İlham Əliyev Banqladeşin Baş naziri ilə görüşüb

2024,

İlham Əliyev Banqladeşin Baş naziri ilə görüşüb

Fevralın 17-də Münxendə Azərbaycan Respublikasının Prezidenti İlham Əliyev ilə qarşı tərəfin müraciətinə əsasən Banqladeş Xalq Respublikasının Baş naziri xanım Şeyx Hasinanın görüşü olub.

Qoşulmama Hərəkatının Zirvə görüşü çərçivəsində ölkəmizə səfərini və Azərbaycan Prezidenti ilə görüşlərini məmnunluqla xatırladan Şeyx Hasina dövlətimizin başçısına prezident seçkilərində qələbəsi münasibətilə təbriklərini çatdırdı.

Prezident İlham Əliyev təbriklərə görə təşəkkürünü bildirdi.

Banqladeşin Baş naziri COP29-un Azərbaycanda keçirilməsi münasibətilə təbriklərini çatdırdı və ölkəsinin də qlobal iqlim dəyişikliyindən əziyyət çəkdiyini qeyd etdi.

Dövlətimizin başçısı Azərbaycanın COP29 çərçivəsində inkişaf etməkdə olan və inkişaf etmiş ölkələr arasında həmrəyliyin gücləndirilməsi istiqamətində səylərini əsirgəməyəcəyini vurğuladı. Azərbaycanın Qoşulmama Hərəkatında sədrliyinin İslam Əməkdaşlıq Təşkilatı, eyni zamanda, Avropa təsisatları ilə əlaqələrinin bu istiqamətdə həmrəyliyin gücləndirilməsi işinə töhfə verəcəyini diqqətə çatdırdı.

Azərbaycan Prezidenti COP29-da iştirak etmək üçün Banqladeşin Baş nazirini ölkəmizə səfərə dəvət etdi.

Şeyx Hasina dəvəti məmnuniyyətlə qəbul etdi.

Görüşdə Banqladeşlə Azərbaycan arasında siyasi, iqtisadi, ticarət, investisiyalar, əczaçılıq, kənd təsərrüfatı və qarşılıqlı maraq doğuran digər sahələrdə əməkdaşlıq məsələləri müzakirə edildi, əlaqələrin genişləndirilməsi üçün böyük perspektivlərin olduğu diqqətə çatdırıldı. Eyni zamanda, Azərbaycan-Banqladeş iqtisadi əməkdaşlıq üzrə işçi qrupunun yaradılmasının və iki ölkənin biznes dairələri arasında əlaqələrin qurulmasının vacibliyi vurğulandı.

Ölkələrimizin xarici işlər nazirləri və aidiyyəti dövlət qurumları arasında əlaqələrin gücləndirilməsi və siyasi məsləhətləşmələr mexanizminin yaradılması məsələləri ilə bağlı fikir mübadiləsi aparıldı.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/64245

Almaniyanın Erlagen şəhərində “Son iclas” bədii-sənədli filmi təqdim edilib
, 2023
Almaniyanın Erlagen şəhərində “Son iclas” bədii-sənədli filmi təqdim edilib

Almaniyanın Bavariya əyalətinin Erlangen şəhərində yerləşən “De Villa” Mədəniyyət Mərkəzində 28 May – Müstəqillik Günü münasibətilə “Son iclas” bədii-sənədli filminin təqdimat mərasimi keçirilib.

Tibb üzrə təhsilini bu ölkədə davam etdirən azərbaycanlı ictimai fəal Hüseyn Kamalzadə tərəfindən təşkil edilən tədbirdə şəhər bələdiyyəsinin, Türk Mədəniyyət Mərkəzinin rəhbərliyi, Yəhudi Mədəniyyət Mərkəzinin fəalları, Azərbaycan, Türkiyə, Almaniya, İsrail, Pakistan, Ukrayna, Qazaxstan, Vyetnam, Monteneqro, Litva, Banqladeş, Hindistan icmalarının nümayəndələri və İranda anadan olan etnik azərbaycanlılar iştirak ediblər.

Tədbirin təşkilinə şəhər meriyası və Azərbaycanın Almaniyadakı səfirliyi dəstək göstərib. Qonaqlara 105 il öncə Azərbaycan taixində baş vermiş mühüm və qürurverici hadisə barədə məlumat verilib, ardınca Bakı Media Mərkəzinin prezidenti Arzu Əliyevanın baş prodüseri olduğu “Son iclas” bədii-sənədli filmi nümayiş etdirilib.

Müzakirələr zamanı çıxış edənlər qeyd ediblər ki, belə layihələr iki ölkə arasında əlaqələrin daha da uğurlu inkişafına imkan yaradır, xalqlarası mədəniyyət mübadiləsinin önəmini artırır, Azərbaycan həqiqətlərinin alman ictimaiyyətinə çatdırılmasında mühüm rol oynayır.

Xatırladaq ki, “Son iclas” bədii-sənədli filmi Heydər Əliyev Fondunun dəstəyi ilə Bakı Media Mərkəzi tərəfindən lentə alınıb. 2018-ci ildə çəkilmiş film Azərbaycan Xalq Cümhuriyyətinin kəşməkeşli tarixinin son günlərinə işıq salır və hökumətin öz son qərarını hansı çətin şəraitdə verdiyini əks etdirir.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/almaniyanin-erlagen-seherinde-son-iclas-bedii-senedli-filmi-teqdim-edilib-3047

Banqladeş – Tarım ve Orman Gazetesi

İlham Əliyev Banqladeşin Baş naziri ilə görüşüb

Almaniyanın Erlagen şəhərində “Son iclas” bədii-sənədli filmi təqdim edilib