Koordinasiya – Tarım ve Orman Gazetesi https://tarimveormangazetesi.com Sat, 02 Sep 2023 19:59:54 +0000 tr hourly 1 https://tarimveormangazetesi.com/wp-content/uploads/2025/03/cropped-tarim-ve-orman-32x32.webp Koordinasiya – Tarım ve Orman Gazetesi https://tarimveormangazetesi.com 32 32 Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib https://tarimveormangazetesi.com/niderlanddaki-icmamiz-haaqa-s%c9%99h%c9%99rind%c9%99-erm%c9%99nistanin-h%c9%99rbi-v%c9%99-ekoloji-t%c9%99xribatlarina-etiraz-edib-h49256.html Sat, 02 Sep 2023 19:59:54 +0000 https://1453kralmedya.com/niderlanddaki-icmamiz-haaqa-s%c9%99h%c9%99rind%c9%99-erm%c9%99nistanin-h%c9%99rbi-v%c9%99-ekoloji-t%c9%99xribatlarina-etiraz-edib-h49256.html

 

 

 

 

 

 

Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib

 

, 2023

Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib

 

 

 

Niderland Krallığında fəaliyyət göstərən Azərbaycan icmasının fəal üzvləri Haaqa Ədalət Sarayının önündə dinc aksiyası keçirib.

 

 

 

 

Niderland-Belçika Azərbaycanlıları Koordinasiya Şurasının dəstəyi və “Ana Vətən” Avropa Azərbaycanlı Qadınlar Birliyinin təşkilatçılığı ilə baş tutan aksiya ölkəmizə qarşı 30 il ərzində qəsbkar və təcavüzkar siyasət yürütmüş Ermənistanın dünya ictimaiyyətini yenidən siyasi, hərbi və informasiya yönümlü manipulyasiya kampaniyası üçün alətə çevirmək və Azərbaycanın Qarabağ bölgəsində təxribatlar törətmək cəhdlərinə etiraz məqsədilə gerçəkləşdirilib.

 

 

 

 

Aksiya zamanı Azərbaycanın və Türkiyənin bayraqları dalğalandırılıb, musiqiçilərimizin ifasında ölkəmizin Qarabağ bölgəsinə həsr olunmuş muğam parçalaları və mahnılar səsləndirilib.

 

 

 

 

Niderland ictimaiyyətinin diqqəti “Azərbaycan sülh istəyir, Ermənistan müharibə istəyir”, “Ermənistan sülhü rədd edir, müharibəni seçir”, “Ermənistan, sülh sazişini imzala!”, “Ermənistan faktları təhrif edir, dünya ictimaiyyətini aldadır”, “Azərbaycan torpaqlarında Ermənistan əsgəri olmamalıdır!”, “Ermənistan, hücumu dayandır!”, “Ermənistan, bizim torpaqlarımızın minalandırılmasını dayandır!”, “Ermənilərin minaları dinc sakinləri öldürür!”, “Ermənistan minaları = müharibə cinayətləri!”, “Azərbaycan ərazilərində ekoloji terrorun törədilməsinə son qoyulsun!”, “Ermənistan İrəvandakı Azərbaycan mədəni irsini məhv edir”, “Azərbaycanın təbii sərvətlərinin talanına son qoyulsun!”, “Ətraf mühitə düzəldilməsi mümkün olmayan ziyanın vurulmasına son qoyulsun!” və sair şüarların əks olunduğu plakatlara cəlb edilib.

Aksiya iştirakçıları beynəlxalq ictimaiyyətdən Azərbaycanın Qarabağ bölgəsində Ermənistanın hərbi və ekoloji terroruna son qoyulmasını, Azərbaycan vətəndaşlarının Qarabağda təhlükəsizliyinin və insan hüquqlarının təmin edilməsini, Azərbaycan dövlətinin sülh səylərinin dəstəklənməsini tələb ediblər.

 

Aksiya icma üzvlərinin birlikdə “Qarabağ Azərbaycandır!” şüarını səsləndirməsi ilə yekunlaşıb.

 

 

 

 

Qeyd edək ki, aksiya zamanı Haaqa sakinlərinə Ermənistanın hərbi və ekoloji cinayətlərini əks etdirən bukletlər paylanılıb. Bukletlərdə Azərbaycan ərazilərində basdırılmış minaların insan həyatını təhdid etdiyi, 2020-ci il müharibəsindən bəri Azərbaycanda mina qurbanlarının sayının 303 nəfərə çatdığı, rəsmi İrəvanın dəqiq mina xəritələrini təhvil verməkdən imtinasının insan hüquqlarını kobudcasına pozduğu, erməni KİV-lərinin azərbaycanlılara qarşı pis rəftarla bağlı pərakəndə sübutlar yaymasının III Cenevrə konvensiyasına zidd olduğu, bir neçə azərbaycanlı əsgərin girov götürülərkən fiziki, mənəvi işgəncələrə və təhqirlərə məruz qaldığı, Azərbaycanın Qarabağ bölgəsində qızıl və mis-molibden yataqlarının qeyri-qanuni istismar edildiyi, 60 min hektardan çox meşə sahəsinin darmadağın edildiyi, çaylarımızın çirkləndirildiyi və sair faktlar nəzərə çatdırılıb.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/niderlanddaki-icmamiz-haaqa-seherinde-ermenistanin-herbi-ve-ekoloji-texribatlarina-etiraz-edib-3417

 

 

 

 

]]> Birləşmiş Krallıq hökuməti Britaniya Azərbaycanlıları Koordinasiya Şurasının məktubunu cavablandırıb https://tarimveormangazetesi.com/birl%c9%99smis-kralliq-hokum%c9%99ti-britaniya-az%c9%99rbaycanlilari-koordinasiya-surasinin-m%c9%99ktubunu-cavablandirib-h47911.html Mon, 24 Jul 2023 19:40:44 +0000 https://1453kralmedya.com/birl%c9%99smis-kralliq-hokum%c9%99ti-britaniya-az%c9%99rbaycanlilari-koordinasiya-surasinin-m%c9%99ktubunu-cavablandirib-h47911.html

 

 

 

Birləşmiş Krallıq hökuməti Britaniya Azərbaycanlıları Koordinasiya Şurasının məktubunu cavablandırıb
24 iyul, 2023

 

 

 

Birləşmiş Krallıq hökuməti Britaniya Azərbaycanlıları Koordinasiya Şurasının məktubunu cavablandırıb
Britaniya Azərbaycanlıları Koordinasiya Şurasının ölkəmizin sərhədində Ermənistanın ekoloji durumu gərginləşdirmək cəhdi ilə bağlı 15 iyun 2023-cü il tarixli məktubuna Böyük Britaniya və Şimali İrlandiya Birləşmiş Krallığının Xarici İşlər, Birlik və İnkişaf Nazirliyinin məktublar şöbəsi cavab verib.

 

 

 

 

Cavab məktubunda bildirilib ki, Birləşmiş Krallıq hökuməti ətraf mühitin keyfiyyətinin ən yüksək standartlarına sadiqdir. “Biz iqlimin dəyişməsi üzrə BMT konfransında (COP26) və G7-də sədrliyimiz də daxil olmaqla, bu sahədə fəal liderlik vasitəsilə digər ölkələri də eyni cür hərəkət etməyə çağırırıq”.

 

 

 

 

 

Nəzərə çatdırılıb ki, Birləşmiş Krallıq hökuməti BMT-nin İqtisadi Komissiyasının Transsərhəd kontekstdə ətraf mühitə təsirin qiymətləndirilməsi haqqında Avropa Konvensiyasını (Espo Konvensiyası) dəstəkləyir, bu Konvensiyanın təfsiri və ya tətbiqi ilə bağlı iki tərəf arasında mübahisələrin həlli mexanizmini təmin edir.

 

 

 

 

Britaniya tərəfinin ekoloji standartlarla bağlı Azərbaycan və Ermənistanla fəal dialoq apardığı vurğulanıb: “Regional iqlim səfirimiz Deyvid Moran ötən ilin sonunda Ermənistana səfəri zamanı bunun vacibliyini vurğulayıb və Böyük Britaniya müvafiq olaraq Azərbaycanın Enerji Nazirliyi və Ətraf Mühit və Təbii Sərvətlər Nazirliyi ilə təmiz enerjiyə keçid və iqlim dəyişikliyinə dair Anlaşma Memorandumları imzalayıb”.

 

 

 

 

 

Azərbaycandakı “Ətraf Mühitin Mühafizəsi Naminə Beynəlxalq Dialoq” (İDEA) İctimai Birliyi kimi QHT-lərlə tərəfdaşlıqda həyata keçirilən “Ot kökləri” layihəsinin də dəstəkləndiyi bildirilib. Bu layihə çərçivəsində məktəblilərin icma səviyyəsində iqlim dəyişikliyi və ətraf mühitin mühafizəsi ilə bağlı tədbirlər görməyə ruhlandırılması təşəbbüslərinin müdafiə olunduğu vurğulanıb.

 

 

 

 

“Biz tarixi sülh razılaşmasına nail olmaq üçün lazım olan impulsu stimullaşdırmaq və gərginliyi azaltmaq məqsədilə geniş spektrli məsələlər üzrə hər iki hökumətlə işləməyə davam edirik”, – deyə sonda əlavə edilib.

 

 

 

 

 

Xatırladaq ki, Britaniya Azərbaycanlıları Koordinasiya Şurasının adından yerli ictimaiyyətə və beynəlxalq təşkilatlara ünvanlanan bəyanatda Azərbaycanın Naxçıvan Muxtar Respublikası ilə sərhəddə – Yerasx (Arazdəyən) kəndində Ermənistanın 16 500 kvadratmetr sahədə illik istehsal gücü 180 000 ton olan iri metallurgiya zavodu tikməsinə sərt etiraz bildirilmişdi.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/birlesmis-kralliq-hokumeti-britaniya-azerbaycanlilari-koordinasiya-surasinin-mektubunu-cavablandirib-3272

 

 

 

]]> Polşa Azərbaycanlıları Koordinasiya Şurasına seçkilər keçirilib https://tarimveormangazetesi.com/polsa-az%c9%99rbaycanlilari-koordinasiya-surasina-seckil%c9%99r-kecirilib-h47501.html Fri, 14 Jul 2023 12:31:33 +0000 https://1453kralmedya.com/polsa-az%c9%99rbaycanlilari-koordinasiya-surasina-seckil%c9%99r-kecirilib-h47501.html

 

 

 

Polşa Azərbaycanlıları Koordinasiya Şurasına seçkilər keçirilib

2023

 

 

 

 

Polşa Azərbaycanlıları Koordinasiya Şurasına seçkilər keçirilib

 

 

 

 

“Heydər Əliyev İli” çərçivəsində Varşava şəhərində Azərbaycan icması ilə görüş və Polşa Azərbaycanlıları Koordinasiya Şurasına seçkilər keçirilib.

 

 

 

 

Görüşdə Varşava, Krakov, Vrotslav, Qdansk və digər şəhərlərdə yaşayan Azərbaycan icmasının fəalları iştirak ediblər.

Azərbaycanın Dövlət Himninin səsləndirilməsi ilə başlayan tədbirdə ümummilli lider Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Tədbir iştirakçılarını salamlayan Diasporla İş üzrə Dövlət Komitəsinin sədr müavini Elşad Əliyev icmamızın, Varşava Azərbaycan Evinin və Polşa Azərbaycanlıları Koordinasiya Şurasının fəaliyyətini müsbət qiymətləndirib. Görüşün Komitənin yaradılmasının 21-ci ildönümünə təsadüf etdiyini vurğulayan sədr müavini bu münasibətlə soydaşlarımızı təbrik edib.

Komitənin fəaliyyət istiqamətlərindən, həyata keçirdiyi layihələrdən danışan E.Əliyev müasir Azərbaycan dövlətinin qurucusu Heydər Əliyevin anadan olmasının 100 illiyi çərçivəsində Naxçıvanda keçiriləcək Diaspor Gənclərinin İV Yay Düşərgəsi barədə ətraflı məlumat verib. Prezident İlham Əliyevin Dünya Azərbaycanlılarının V Qurultayındakı tövsiyələrinə diqqəti cəlb edən sədr müavini Koordinasiya şuraları, Azərbaycan evləri və həftəsonu Azərbaycan məktəbləri ilə əlaqədar fəaliyyətin genişləndirilməsinin əhəmiyyətini vurğulayıb, Polşadakı diasporumuzun mövcud vəziyyəti, Azərbaycan həqiqətlərinin polyak ictimaiyyətinə dolğun şəkildə çatdırılması istiqamətində həyata keçirdiyi layihələri nəzərə çatdırıb.

 

 

 

 

Tədbir Komitənin fəaliyyətini əks etdirən hesabat-videoçarxın nümayişi ilə davam etdirilib.

Azərbaycanın Polşadakı səfirliyinin əməkdaşı soydaşlarımızı salamlayıb və uğurlar arzulayıb.

Ardınca Polşa Azərbaycanlıları Koordinasiya Şurasının koordinatoru Fərid Cəfərli görülən işlər barədə hesabatla çıxış edib.

Tədbirdə müasir dövrün çağırışlarına uyğun olaraq icmamızın fəallığının artırılması, koordinasiya işinin gücləndirilməsi, gələcək planlar, Krakov şəhərində Azərbaycan Evinin açılması barədə fikir mübadiləsi aparılıb və suallar cavablandırılıb.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/polsa-azerbaycanlilari-koorsinasiya-surasina-seckiler-kecirilib-3199

 

 

]]> Britaniya Azərbaycanlıları Koordinasiya Şurası qonşu Ermənistanın ekoloji təxribatına etiraz edib https://tarimveormangazetesi.com/britaniya-az%c9%99rbaycanlilari-koordinasiya-surasi-qonsu-erm%c9%99nistanin-ekoloji-t%c9%99xribatina-etiraz-edib-h46614.html Sun, 18 Jun 2023 09:42:41 +0000 https://1453kralmedya.com/britaniya-az%c9%99rbaycanlilari-koordinasiya-surasi-qonsu-erm%c9%99nistanin-ekoloji-t%c9%99xribatina-etiraz-edib-h46614.html

Britaniya Azərbaycanlıları Koordinasiya Şurası qonşu Ermənistanın ekoloji təxribatına etiraz edib

, 2023

 

 

 

Britaniya Azərbaycanlıları Koordinasiya Şurası qonşu Ermənistanın ekoloji təxribatına etiraz edib

 

 

 

Böyük Britaniya və Şimali İrlandiya Birləşmiş Krallığında yaşayan icmamız Azərbaycanla sərhəddə Ermənistanın ekoloji durumun gərginləşdirilməsi istiqamətində atdığı növbəti yolverilməz addımı hiddətlə pisləyib.

Britaniya Azərbaycanlıları Koordinasiya Şurasının adından yerli ictimaiyyətə və beynəlxalq təşkilatlara ünvanlanan bəyanatda Azərbaycanın Naxçıvan Muxtar Respublikası ilə sərhəddə – Yerasx (Arazdəyən) kəndində Ermənistanın 16 500 kvadratmetr sahədə illik istehsal gücü 180 000 ton olan iri metallurgiya zavodu tikməsi diqqətə çatdırılıb.

 

 

 

 

Bəyanatda bu hadisə Ermənistan tərəfindən beynəlxalq hüquq norma və prinsiplərinin, xüsusilə də BMT-nin Avropa İqtisadi Komissiyasının Transsərhəd kontekstdə ətraf mühitə təsirin qiymətləndirilməsi haqqında Konvensiyasının (Espo Konvensiyası) müddəlarının kobud surətdə pozulması kimi dəyərləndirilib. Espo Konvensiyasının müddəalarına görə, digər ölkələrə mənfi ekoloji təsir baxımından Ermənistanın öz ərazisində planlaşdırdığı bu fəaliyyəti Azərbaycanın müvafiq qurumları ilə razılaşdırmalı olmasının zəruriliyi vurğulanıb.

Ermənistanın daim beynəlxalq hüquq və ekoloji hüquq normalarını pozduğu, Azərbaycanın bir müddət öncə Metsamor Atom Elektrik Stansiyasının ərazisində yeni nüvə reaktorunun tikintisi planları ilə əlaqədar qonşu ölkənin Espo Konvensiyasının müddəalarına əməl etmədiyi barədə qərar çıxarılmasına nail olduğu, iri mədən müəssisələri olan Qacaran mis-molibden zavodunun və Qafan filiz emalı kombinatının yüksək kimyəvi tərkibli istehsalat sularının uzun müddət transsərhəd Oxçuçayı intensiv şəkildə çirkləndirməklə Azərbaycanın ekoloji mühitinə ciddi zərər vurduğu kimi faktlar yada salınıb.

 

 

 

Beynəlxalq ictimaiyyəti regionun ekoloji təhlükəsizliyinə zərbə vuran, beynəlxalq hüquq normalarına zidd əməllər həyata keçirən Ermənistana təzyiq göstərməyə çağıran Koordinasiya Şurası bəyan edib ki, ekoloji dayanıqlılıq və ətraf mühitin qorunması indiki və gələcək nəsillərin rifahı üçün prioritet olmalıdır: “Bu ekoloji problemləri həll etməklə biz regionda sülhü, əməkdaşlığı və davamlı inkişafı təşviq edə bilərik”.

 

 

 

 

Britaniya Azərbaycanlıları Koordinasiya Şurası beynəlxalq təşkilatları, hökumətləri və ayrı-ayrı nüfuzlu şəxsləri ətraf mühitin mühafizəsi səylərində Azərbaycan icmasına qoşulmağa, beynəlxalq ekoloji qanun və standartlara riayət olunmasını müdafiə etməyə çağırıb: “Biz birlikdə vəziyyəti dəyişə və ortaq dünyamızın ekoloji bütövlüyünü qoruya bilərik”.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/britaniya-azerbaycanlilari-koordinasiya-surasi-qonsu-ermenistanin-ekoloji-texribatina-etiraz-edib-3117

]]>