şəhərində – Tarım ve Orman Gazetesi https://tarimveormangazetesi.com Tue, 11 Jun 2024 08:21:07 +0000 tr hourly 1 https://tarimveormangazetesi.com/wp-content/uploads/2025/03/cropped-tarim-ve-orman-32x32.webp şəhərində – Tarım ve Orman Gazetesi https://tarimveormangazetesi.com 32 32 Tokio şəhərində Yaponiyada yaşayan azərbaycanlı və yapon incəsənət ustalarının iştirakı ilə konsert keçirilib https://tarimveormangazetesi.com/tokio-s%c9%99h%c9%99rind%c9%99-yaponiyada-yasayan-az%c9%99rbaycanli-v%c9%99-yapon-inc%c9%99s%c9%99n%c9%99t-ustalarinin-istiraki-il%c9%99-konsert-kecirilib-h58057.html Tue, 11 Jun 2024 08:21:07 +0000 https://1453kralmedya.com/tokio-s%c9%99h%c9%99rind%c9%99-yaponiyada-yasayan-az%c9%99rbaycanli-v%c9%99-yapon-inc%c9%99s%c9%99n%c9%99t-ustalarinin-istiraki-il%c9%99-konsert-kecirilib-h58057.html

Tokio şəhərində Yaponiyada yaşayan azərbaycanlı və yapon incəsənət ustalarının iştirakı ilə konsert keçirilib

2024

 

 

 

Tokio şəhərində Yaponiyada yaşayan azərbaycanlı və yapon incəsənət ustalarının iştirakı ilə konsert keçirilib

Tokio şəhərində Yaponiyada yaşayan azərbaycanlı və yapon incəsənət ustalarının iştirakı ilə konsert keçirilib.

Tədbirdə Diasporla İş üzrə Dövlət Komitəsinin sədri Fuad Muradov, Azərbaycanın Yaponiyadakı fövqəladə və səlahiyyətli səfiri Gursel İsmayılzadə, Azərbaycan icmasının üzvləri və yerli ictimaiyyətin nümayəndələri iştirak ediblər.

Proqram zamanı azərbaycanlı rəqqasələr Minarə Şükürova və Dilarə Qazıyevanın, yaponiyalı sənətçilər Yamomoto Kyokonun və Tayqanın, eləcə də “Otantik Bunka” və “Kelebek” qruplarının ifasında Azərbaycan mahnı və rəqsləri təqdim olunub.

Azərbaycanlı və yapon rəqqasələrin ifaları tamaşaçıların alqışları ilə qarşılanıb.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/tokio-seherinde-yaponiyada-yasayan-azerbaycanli-ve-yapon-incesenet-ustalarinin-istiraki-ile-konsert-kecirilib-4833

 

]]> Hamilton şəhərində Azərbaycanın Dövlət bayrağının qaldırılması mərasimi və icma ilə görüş keçirilib https://tarimveormangazetesi.com/hamilton-s%c9%99h%c9%99rind%c9%99-az%c9%99rbaycanin-dovl%c9%99t-bayraginin-qaldirilmasi-m%c9%99rasimi-v%c9%99-icma-il%c9%99-gorus-kecirilib-h58022.html Sun, 09 Jun 2024 12:25:17 +0000 https://1453kralmedya.com/hamilton-s%c9%99h%c9%99rind%c9%99-az%c9%99rbaycanin-dovl%c9%99t-bayraginin-qaldirilmasi-m%c9%99rasimi-v%c9%99-icma-il%c9%99-gorus-kecirilib-h58022.html

Hamilton şəhərində Azərbaycanın Dövlət bayrağının qaldırılması mərasimi və icma ilə görüş keçirilib
, 2024
Hamilton şəhərində Azərbaycanın Dövlət bayrağının qaldırılması mərasimi və icma ilə görüş keçirilib
Kanadanın Hamilton şəhərində 28 May – Müstəqillik Günü münasibətilə Azərbaycanın Dövlət bayrağının qaldırılması mərasimi keçirilib.

 

 

 

 

Hamilton Azərbaycan icmasının təşkilatçılığı ilə şəhərin “Siti Hol” mərkəzində baş tutan mərasimdə üçrəngli bayrağımız Azərbaycanın Dövlət Himninin sədaları altında səmaya ucaldılıb.

Soydaşlarımız Dövlət bayrağımızın fonunda xatirə şəkli çəkdiriblər.

Daha sonra Hamilton şəhərində ilk dəfə olaraq Azərbaycan icmasının nümayəndələri ilə görüş keçirilib.

Tədbir Azərbaycan və Kanadanın Dövlət himnlərinin səsləndirilməsi ilə başlayıb.

“Hamilton Azərbaycan İcması”nın rəhbəri Cəmilə Rüstəmova Şephard çıxışında 28 May – Müstəqillik Gününün tarixi önəmini qeyd edib.

Diasporla İş üzrə Dövlət Komitəsinin şöbə müdiri Səlhət Abbasova müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranmasından danışıb və Komitənin həyata keçirdiyi layihələr haqqında ətraflı məlumat verib. O, yeni yaradılan “Hamilton Azərbaycan İcması” təşkilatına gələcək fəaliyyətində uğurlar arzu edib.

Kanada Azərbaycan Evinin icraçı direktoru, “Vətən” Azərbaycan İncəsənət və Mədəniyyət Mərkəzinin rəhbəri Lalin Həsənova öz çıxışında Azərbaycan Evində “Şəhər Günləri” layihəsinin üzərində iş getdiyini bildirib. Layihə baş tutduğu zaman Hamiltonda yaşayan Azərbaycan icmasını da “Hamilton Günü”ndə görməkdən məmnunluq duyacağını diqqətə çatdırıb.

Daha sonra Hamilton şəhərində əsası qoyulmuş “Azərbaycan dili” məktəbinin yaradıcısı Validə Quliyeva və məktəbin müəllimi Elmira Doquşeva, Hamilton icmasının üzvü Şəbnəm Sevinc çıxış edib, fəaliyyətləri haqqında məlumat verib, müxtəlif fikir və təkliflər səsləndiriblər.

Tədbir çərçivəsində məktəbin şagirdləri Səməd Vurğunun “Azərbaycan” şeirini söyləyiblər. 2024-cü ildə Hamilton Musiqi Festivalının qalibi Kayra Sevinc skripkada ona qələbə gətirən musiqini (“The Farmer’s Market”-“Fermerin bazarı”) ifa edib.

Tədbir “Yallı” rəqsinin ifası ilə başa çatıb.

FOTO QALEREYA

 

 

 

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/hamilton-seherinde-azerbaycanin-dovlet-bayraginin-qaldirilmasi-merasimi-ve-icma-ile-gorus-kecirilib-4824

 

]]> Recayna şəhərində Azərbaycan icması ilə görüş keçirilib https://tarimveormangazetesi.com/recayna-s%c9%99h%c9%99rind%c9%99-az%c9%99rbaycan-icmasi-il%c9%99-gorus-kecirilib-h58016.html Sun, 09 Jun 2024 08:20:06 +0000 https://1453kralmedya.com/recayna-s%c9%99h%c9%99rind%c9%99-az%c9%99rbaycan-icmasi-il%c9%99-gorus-kecirilib-h58016.html

Recayna şəhərində Azərbaycan icması ilə görüş keçirilib

, 2024

Recayna şəhərində Azərbaycan icması ilə görüş keçirilib

Kanadanın Saskatçevan vilayətinin Recayna şəhərində ilk dəfə olaraq Azərbaycan icması ilə görüş keçirilib.

Azərbaycan və Kanadanın Dövlət himnlərinin səsləndirilməsi ilə başlayan tədbiri “Recayna Azərbaycan Mədəniyyəti Assosiasiyası”nın rəhbəri Rəna Fərəcova açıq elan edib və rəhbəri olduğu təşkilat haqqında ətraflı məlumat verib.

 

 

 

 

Tədbirdə “Saskatçevanda Azərbaycan Birliyi” təşkilatının həmtəsisçiləri Ruhid Mirzəyev və Tural İsgəndərov da çıxış edərək təsisçisi olduqları təşkilatın fəaliyyət istiqamətləri haqqında danışıblar. Çıxışçılar 28 May – Müstəqillik Günü ərəfəsində görüşdükləri üçün məmnunluq duyduqlarını bildirib, Diasporla İş üzrə Dövlət Komitəsinə daim göstərdiyi diqqət və qayğıya görə təşəkkür ediblər.

Diasporla İş üzrə Dövlət Komitəsinin şöbə müdiri Səlhət Abbasova çıxışında Komitənin yaranma tarixi, fəaliyyəti və Azərbaycan diaspor hərəkatının genişlənməsi məqsədilə gerçəkləşdirilən layihələr, o cümlədən 1-7 avqust tarixlərində Laçında keçiriləcək Diaspor Gənclərinin V Yay Düşərgəsi haqqında ətraflı məlumat verib. Səlhət Abbasova həmçinin Saskatçevan vilayətində fərqli istiqamətlər üzrə fəaliyyət göstərən iki yeni diaspor təşkilatının mövcudluğunu təqdirəlayiq hal sayaraq təşkilatların bir-biri ilə koordinasiyalı şəkildə işləməsinin daha çox faydalı olacağını vurğulayıb.

Tədbir çərçivəsində Recayna icmasının azyaşlıları tərəfindən rəqs nömrələri nümayiş olunub və “Arşın Mal Alan” operettasından bir səhnə canlandırılıb.

Qeyd edək ki, 28 May – Müstəqillik Günü Saskatçevanda 2024-cü ildə geniş şəkildə qeyd edilib, bu münasibətilə Azərbaycan bayrağı vilayətin iki böyük şəhərində – Recayna və Saskatunda yüksəldilib, şəhərin rəsmiləri tərəfindən bəyannamələr imzalanıb, təbriklər ünvanlanıb.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/recayna-seherinde-azerbaycan-icmasi-ile-gorus-kecirilib-4825

 

]]> Milan şəhərində 28 May –Müstəqillik Günü qeyd edilib https://tarimveormangazetesi.com/milan-s%c9%99h%c9%99rind%c9%99-28-may-must%c9%99qillik-gunu-qeyd-edilib-h57836.html Sat, 01 Jun 2024 12:09:07 +0000 https://1453kralmedya.com/milan-s%c9%99h%c9%99rind%c9%99-28-may-must%c9%99qillik-gunu-qeyd-edilib-h57836.html

Milan şəhərində 28 May –Müstəqillik Günü qeyd edilib
, 2024
Milan şəhərində 28 May –Müstəqillik Günü qeyd edilib

 

 

İtaliyanın Milan şəhərində 28 May–Müstəqillik Günü münasibətilə soydaşlarımızın görüşü keçirilib. Milandakı Azərbaycan icmasının təşkilatçılığı ilə baş tutan tədbirdə əvvəlcə Azərbaycan Respublikasının Dövlət Himni səsləndirilib, sonra Vətənin müstəqilliyi və ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

İtaliya Azərbaycanlıları Koordinasiya Şurasının Milan üzrə koordinatorları Fidan Abdullazadə və Elvin Babayev çıxışlarında xalqımızın şərəfli müstəqillik tarixindən və qədim dövlətçilik ənənəsindən bəhs ediblər. 1918-ci ildə müsəlman dünyasında ilk parlamentli respublikanın – Azərbaycan Xalq Cümhuriyyətinin qurulmasının həmin dövr üçün çox mütərəqqi nailiyyət olduğu bildirilib.

Soydaşlarımız görüşün Milandakı Azərbaycan icmasının təşkilatlanması baxımından bu kimi tədbirlərin vacibliyini qeyd edib, həyata keçiriləcək yeni planlar və layihələr, gələcək tədbirlər haqqında fikir mübadiləsi aparıblar.

Sonda həmvətənlərimiz azadlıq simvolumuz olan “Xarı bülbül” çiçəyini bir yerdə rəngləyib, “Gələcəyimizə birgə rəng qatmaq” devizi altında rəsm hazırlayıblar.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/milan-seherinde-28-may-musteqillik-gunu-qeyd-edilib-4767

 

]]> Helsinki şəhərində “Qərbi azərbaycanlılara qarşı soyqırımı və deportasiya cinayətləri” adlı tədbir keçirilib https://tarimveormangazetesi.com/helsinki-s%c9%99h%c9%99rind%c9%99-q%c9%99rbi-az%c9%99rbaycanlilara-qarsi-soyqirimi-v%c9%99-deportasiya-cinay%c9%99tl%c9%99ri-adli-t%c9%99dbir-kecirilib-h56614.html Mon, 22 Apr 2024 21:35:12 +0000 https://1453kralmedya.com/helsinki-s%c9%99h%c9%99rind%c9%99-q%c9%99rbi-az%c9%99rbaycanlilara-qarsi-soyqirimi-v%c9%99-deportasiya-cinay%c9%99tl%c9%99ri-adli-t%c9%99dbir-kecirilib-h56614.html

Helsinki şəhərində “Qərbi azərbaycanlılara qarşı soyqırımı və deportasiya cinayətləri” adlı tədbir keçirilib
22 aprel, 2024

 

 

 

Helsinki şəhərində “Qərbi azərbaycanlılara qarşı soyqırımı və deportasiya cinayətləri” adlı tədbir keçirilib
Aprelin 20-də Azərbaycan Respublikasının Diasporla İş üzrə Dövlət Komitəsinin dəstəyi və Finlandiyanın Helsinki şəhərində fəaliyyət göstərən Helsinki Azərbaycan Evinin təşkilatçılığı ilə Finlandiyanın paytaxtı Helsinki şəhərindəki “Azərbaycan Evi”ndə “Qərbi azərbaycanlılara qarşı soyqırımı və deportasiya cinayətləri” adlı tədbir keçirilib, “İZ” sənədli filmi nümayiş olunub. Tədbirdə Finlandiyada yaşayan həmvətənlərimizlə yanaşı Türkiyə, Rusiya, İngiltərə, Almaniya, Moldova, Qazaxıstan, Gürcüstan, Ukrayna icmalarının nümayəndələri, Cənubi Azərbaycandan olan soydaşlar və Azərbaycan Respublikasının İsveç Krallığındakı Səfirliyinin əməkdaşları iştirak ediblər.

Tədbirin əvvəlində Azərbaycan Respublikasının Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib. Tədbiri giriş sözü ilə açan Helsinkidəki “Azərbaycan Evi”nin rəhbəri Ülviyyə Cabbarova qonaqları salamlayıb və azərbaycanlıların öz ata-baba yurdlarından, Qərbi Azərbaycandan deportasiyaya məruz qalmaları ilə bağlı həqiqətləri tədbir iştirakçılarının diqqətinə çatdırıb. Tədbirə Helsinki və London Cambridge Universitetindən elm adamlarının iştirakının Azərbaycan həqiqətlərinin öyrənilməsi və təbliğində böyük əhəmiyyət daşıdığını bildirib.

“Əlil Qadınlar Cəmiyyəti”nin sədri Məhluqə Qaramanlı çıxışında bir əsrdə ermənilər tərəfindən Azərbaycan xalqına qarşı 4 dəfə soyqırımı həyata keçirdiyini vurğulayıb. Soyqırımı nəticəsində indiki Ermənistan ərazisində, Qərbi Azərbaycanda bir nəfər belə olsun azərbaycanlının qalmadığını söyləyib.

Daha sonra söz alan “İZ” sənədli filminin ssenari müəllifi, tarix üzrə fəlsəfə doktoru Mahir Qəribov bir çox ölkələrin Azərbaycan həqiqətlərini görməzdən gəlməsinə baxmayaraq, dövlət başçısı, müzəffər Ali Baş Komandan İlham Əliyevin rəhbərliyi ilə xalqımızın özünün tarixi ədaləti bərpa etdiyini deyib. Qədim Azərbaycan torpağı olan Qərbi Azərbaycanda mövcud olan mədəniyyət abidələrinin ermənilər tərəfindən mərhələli şəkildə məhv edilməsini, azərbaycanlıların soyqırıma məruz qalmasını tarixi faktlarla tədbir iştirakçılarının diqqətinə çatdırıb. Layihə üzrə köməkçi Firuzə Babayevanın filmin hazırlanması və yayılmasında gördüyü işlərdən danışıb.

Tədbir “İZ” sənədli filminin nümayişi ilə davam edib. Filmdən sonra əslən Gəncədən olan, Helsinki şəhərində yaşayan gənc fəal Mona “Sarı Gəlin” və “Gündüz-gecə” mahnılarını səsləndirib.

Sonda tədbir iştirakçıları Avropada belə tədbir və təqdimatların keçirilməsinin vacibliyini vurğulayıblar.

FOTO QALEREYA

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/helsinki-seherinde-qerbi-azerbaycanlilara-qarsi-soyqirimi-ve-deportasiya-cinayetleri-adli-tedbir-kecirilib-4569

]]> İlham Əliyev Xankəndi şəhərində Novruz tonqalını alovlandırıb https://tarimveormangazetesi.com/ilham-eliyev-xank%c9%99ndi-s%c9%99h%c9%99rind%c9%99-novruz-tonqalini-alovlandirib-h55492.html Fri, 22 Mar 2024 12:11:04 +0000 https://1453kralmedya.com/ilham-eliyev-xank%c9%99ndi-s%c9%99h%c9%99rind%c9%99-novruz-tonqalini-alovlandirib-h55492.html

İlham Əliyev Xankəndi şəhərində Novruz tonqalını alovlandırıb
2024,

 

 

İlham Əliyev Xankəndi şəhərində Novruz tonqalını alovlandırıb

Martın 18-də Azərbaycan Respublikasının Prezidenti İlham Əliyev Xankəndi şəhərində Novruz tonqalını alovlandırıb.

Dövlətimizin başçısı Azərbaycan xalqını Novruz bayramı münasibətilə təbrik edib.

Prezident İlham Əliyevin təbriki

– Əziz bacılar və qardaşlar.

 

 

 

 

 

Sizi qarşıdan gələn Novruz bayramı münasibətilə ürəkdən təbrik edirəm.

Dördüncü dəfədir ki, bayram tonqalını mən azad edilmiş Qarabağ torpağında qalayıram. 2021-ci ildə Şuşada, 2022-ci ildə Suqovuşanda, keçən il Talış kəndində, bu dəfə isə Xankəndi şəhərində bayram tonqalı qalanır. Bu, böyük xoşbəxtlikdir. Altı ay bundan əvvəl cəmi bir gündən az davam edən antiterror əməliyyatı nəticəsində biz öz suverenliyimizi tam bərpa etdik və bu gün Azərbaycan ərazisində ölkəmizin ərazi bütövlüyü tamamilə təmin edilmişdir.

Biz İkinci Qarabağ müharibəsi zamanı və antiterror əməliyyatı nəticəsində böyük qəhrəmanlıq göstərmişik. Allah bütün şəhidlərimizə rəhmət eləsin! Şəhidlərimizin, igid əsgər və zabitlərimizin fədakarlığı, peşəkarlığı, qəhrəmanlığı nəticəsində bu gün biz bu torpaqlarda qururuq, yaradırıq, bu torpaqlara həyat qayıdır. Geniş quruculuq işləri aparılaraq biz artıq keçmiş köçkünləri öz dədə-baba torpaqlarına qaytara bilmişik və bu il bu proses davam edəcək.

Əfsuslar olsun ki, İkinci Qarabağ müharibəsinin nəticələri Ermənistana dərs olmadı. Keçən ilin Novruz bayramı təbriklərimdə mən bu barədə danışmışdım və təəssüf hissimi bildirmişdim ki, İkinci Qarabağ müharibəsindəki onların məğlubiyyəti onlara dərs olmadı. Əgər dərs olsaydı, antiterror əməliyyatının keçirilməsinə ehtiyac olmazdı. Ermənistan İkinci Qarabağ müharibəsindən sonra keçən üç il ərzində düzgün nəticə çıxarmamışdır, öz qanunsuz silahlı birləşmələrini bizim torpağımızda əbədi saxlamaq istəyirdi, burada vaxtilə qanunsuz yaradılmış qondarma dırnaqarası Dağlıq Qarabağ respublikasını yaşatmaq istəyirdi. Bütün bunlar beynəlxalq hüquqa tamamilə ziddir və ən əsası Azərbaycan xalqının iradəsinə ziddir.

Azərbaycan İkinci Qarabağ müharibəsi nəticəsində öz ərazilərinin böyük hissəsini döyüş meydanında azad edib. Halbuki işğal dövründə dəfələrlə bir çox paytaxtlardan bizə siqnallar göndərilirdi ki, bu münaqişənin hərbi həlli yoxdur. Biz sübut etdik ki, istənilən münaqişənin hərbi həlli var. Əgər işğalçı dövlət qanunsuz olaraq digər ölkənin ərazisini işğal altında saxlayır və o torpaqlardan öz xoşu ilə çıxmaq istəmirsə, yeganə yol hərbi yoldur. Biz beynəlxalq hüquq çərçivəsində öz ərazi bütövlüyümüzü, suverenliyimizi bərpa etmişik, BMT Təhlükəsizlik Şurasının dörd qətnaməsini özümüz döyüş meydanında bərpa etmişik.

Altı ay bundan əvvəl uğurla keçirilmiş antiterror əməliyyatı beynəlxalq hüququn təntənəsidir, Azərbaycan xalqının əyilməz ruhunun təntənəsidir. Biz bir daha göstərdik ki, öz yolumuzdan dönməyəcəyik, Ermənistanın arxasında istənilən qüvvələr dursalar belə, biz öz istədiyimizə nail olacağıq və nail olmuşuq.

Biz iyirmi il torpaqlarımızın azad olunmasına hazırlaşmışdıq. Bir çox istiqamətlər üzrə planlı şəkildə işlər gedirdi. Siyasi müstəvidə dünyada Azərbaycanın mövqeləri möhkəmləndi, dostlarımızın sayı böyük dərəcədə artmışdır. Beynəlxalq təşkilatlar bizim təşəbbüsümüzlə münaqişə ilə bağlı bizim mövqeyimizi dəstəkləyən və beynəlxalq hüquqa əsaslanan qərar və qətnamələr qəbul etmişlər və bu münaqişənin həlli üçün hüquqi və siyasi zəmin yaratmışdır. Biz iqtisadi inkişafa nail olduq, iqtisadi müstəqilliyə nail olduq və bu gün heç kimdən iqtisadi cəhətdən və təbii ki, siyasi cəhətdən asılı deyilik. Güclü iqtisadiyyat bizə imkan verdi ki, siyasi müstəvidə öz siyasətimizi müstəqil şəkildə aparaq. Bu gün Azərbaycan dünya miqyasında nadir ölkələrdəndir ki, onun siyasəti tamamilə müstəqildir, ancaq və ancaq Azərbaycan xalqının maraqlarına, iradəsinə əsaslanır.

Təbii ki, əsas vəzifəmiz torpaqlarımızı işğalçılardan azad etmək idi. Bu məqsədlə hərbi gücümüzü artırmaq bizim əsas vəzifəmizdir. Ordumuzun, bütün Silahlı Qüvvələrimizin döyüş qabiliyyəti böyük dərəcədə artmışdır, maddi-texniki təchizat ən yüksək səviyyədə həll olunurdu və İkinci Qarabağ müharibəsi və antiterror əməliyyatı bunu bütün dünyaya nümayiş etdirdi. Ən önəmlisi elə bir gənc nəsil yetişdirildi ki, bu gənc nəsil bizim xalqımız üçün əbədi qürur mənbəyi olacaq və bütün dünyaya Azərbaycan xalqının böyüklüyünü nümayiş etdirmişdir. Bizim gənclərimiz vətənpərvərlik ruhunda, milli ruhda yetişdirildi, üç il bundan əvvəl torpaqlarımızı azad etmək üçün ölümə getməyə hazır idilər və ölümə gedirdilər. Bir daha Allah bütün şəhidlərimizə rəhmət eləsin! Biz bütün şəhidlərimizin, günahsız Xocalı qurbanlarının qanını döyüş meydanında aldıq və bununla fəxr edirik. İstənilən ölkə, istənilən xalq bununla fəxr edə bilər, o cümlədən biz. Biz ərazi bütövlüyümüzü, suverenliyimizi, beynəlxalq hüququmuzu, milli ləyaqətimizi bərpa etmişik və bu gün azad xalq kimi yaşayırıq, qururuq və bundan sonra bu torpaqlarda əbədi yaşayacağıq.

Uzun illər ərzində bu meydan və bu bina separatçıların yuvası idi. Ermənistan tərəfindən maliyyələşdirilən və silahlandırılan separatçılar faktiki olaraq Ermənistan ordusunun bir hissəsi idi. Məhz bu meydanda xalqımıza qarşı çirkin planlar hazırlanırdı. Məhz bu binada Xocalı soyqırımının törədilməsi üçün əmrlər verilmişdir. Bu gün isə biz bu meydanda dayanmışıq. Əziz xalqıma bildirmək istəyirəm ki, bu meydana mən “Zəfər meydanı” adı vermişəm, bundan sonra bura Zəfər meydanıdır.

Xankəndi qədim Azərbaycan torpağıdır, Pənahəli xan tərəfindən salınmışdır. Ancaq əfsuslar olsun ki, keçən əsrin 20-ci illərinin əvvəllərində tamamilə əsassız, heç bir hüquqi, siyasi və demoqrafik əsası olmadan burada muxtar vilayət yaradılmışdır və ondan sonra xalqımızın problemləri də başlamışdır. Nəticə etibarilə keçən əsrin 80-ci illərinin sonlarında Ermənistan bizə qarşı müharibə elan edərək, separatçı qüvvələri dəstəkləyərək, xalqımıza qarşı soyqırımı və digər qanlı cinayətlər törədərək, əfsuslar olsun ki, o vaxt öz çirkin arzularına çata bilmişdir. Hesab edirdilər ki, bu torpaqları işğal altında əbədi saxlaya biləcəklər. Bu məsələdə onlara dəstək verən xarici qüvvələr və bu gün dəstək verən xarici qüvvələr bu qanlı məsuliyyəti onlarla bölüşürlər. Bu gün biz azad edilmiş Qarabağda başımızı dik tutaraq yaşayırıq. Bu il Xankəndiyə və digər şəhərlərə, o cümlədən Xocalıya, Şuşaya, Cəbrayıla, Kəlbəcərə keçmiş köçkünlər qayıdacaqlar, bir neçə kəndə köçkünlər qayıdacaqlar və həyat qaynayacaq.

Xankəndi sovet dövründə də Azərbaycan büdcəsi hesabına, Azərbaycan memarları və inşaatçıları tərəfindən inşa edilmişdir. Bax, arxadakı bina Vilayət Partiya Komitəsinin binası idi. Bu binanın müəllifi Azərbaycan memarı Həsən Məcidov idi. Onun yanındakı bina 1970-ci illərdə inşa edilmişdir, Vilayət İcraiyyə Komitəsinin binası idi. Bu binanın müəllifi Azərbaycan memarı Nəsrullah Kəngərli idi. Bu bina isə o vaxt mehmanxana kimi inşa edilmişdir. Ondan sonra ermənilər onun xarici görünüşünü dəyişdirmişdilər. İndi bu binanın əzəli siması ona qaytarılır və bu mehmanxananın müəllifi Azərbaycan memarı Ənvər Qasımzadə idi.

Bax, təkcə bu misallar onu göstərir ki, bu şəhəri və keçmiş Dağlıq Qarabağ Muxtar Vilayətində olan bütün şəhərləri, kəndləri salan, yaradan, memarlığının müəllifi olan, inşaat işlərində iştirak edən Azərbaycan xalqının nümayəndələri idi. Bu binalar bizim tarixi sərvətimizdir. Onlar qorunur, qorunacaq və gördüyünüz kimi, indi əsaslı təmir edilir. Durduğum yerdə isə separatçılar qondarma parlament binası inşa etmişdilər. Gördüyünüz kimi, artıq burada heç bir bina yoxdur. Bu, azmış kimi, onlar elə Şuşada ikinci parlament binasını inşa etməyə çalışırdılar, onun inşa işləri başlamışdır, amma çatdıra bilməmişlər və o bina söküldü. O binanın yerində indi beşulduzlu “Şuşa” oteli yerləşir. Keçmiş dırnaqarası parlament binası da söküldü və söküntü işləri fevralın 26-da başlamışdır.

Fevralın 26-da mən Xocalıda xocalılılarla birlikdə Xocalı memorial kompleksinin təməlini qoydum. Burada yerləşmiş, qanunsuz inşa edilmiş şeytan yuvası – dırnaqarası parlament binası və onun yanındakı terror təşkilatının binası fevralın 26-da sökülməyə başladı və yerlə-yeksan edildi. Separatçıların izi-tozu da qalmadı. Novruz tonqalı da son təmizləmə işlərini görür.

Əziz həmvətənlər, buradan xalqa təbriklərimizi çatdırmaq böyük xoşbəxtlikdir. Biz hamımız İkinci Qarabağ müharibəsindən sonra qürurla yaşayırıq. Biz hamımız fəxr edirik ki, biz özümüz ədaləti bərpa etdik, torpaqlarımızı işğalçılardan azad etdik, öz gücümüzü göstərdik və bundan sonra hər kəs bizimlə hesablaşmalıdır, əks təqdirdə, özü peşman olacaq.

Mən bir daha əziz xalqımı qarşıdan gələn bayram münasibətilə ürəkdən təbrik etmək istəyirəm, Azərbaycan xalqına cansağlığı, yeni uğurlar arzulayıram. Qarabağ Azərbaycandır!

Böyük ölçüdə video
Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/65376

 

 

 

 

]]> Samara şəhərində Heydər Əliyevin 100 illiyi təntənə ilə qeyd edilib https://tarimveormangazetesi.com/samara-s%c9%99h%c9%99rind%c9%99-heyd%c9%99r-%c9%99liyevin-100-illiyi-t%c9%99nt%c9%99n%c9%99-il%c9%99-qeyd-edilib-h52629.html Wed, 20 Dec 2023 20:00:23 +0000 https://1453kralmedya.com/samara-s%c9%99h%c9%99rind%c9%99-heyd%c9%99r-%c9%99liyevin-100-illiyi-t%c9%99nt%c9%99n%c9%99-il%c9%99-qeyd-edilib-h52629.html

 

 

 

 

Samara şəhərində Heydər Əliyevin 100 illiyi təntənə ilə qeyd edilib
20 dekabr, 2023
Samara şəhərində Heydər Əliyevin 100 illiyi təntənə ilə qeyd edilib
Rusiyanın Samara şəhərində müasir Azərbaycan dövlətinin qurucusu Heydər Əliyevin anadan olmasının 100 illiyinə və “Samara vilayəti Azərbaycanlıları Liqası” ictimai təşkilatının yaranmasının 20 illiyinə həsr olunmuş “Azərbaycan Mədəniyyəti Günləri” keçirilib.

 

 

 

“Samara vilayəti Azərbaycanlıları Liqası”nın təşkilatçılığı ilə öncə “Azərbaycan Mədəniyyəti Günləri” çərçivəsində Samara Dövlət İdarəçiliyi Universitetinin “Beynəlxalq Bazar İnstitutu”nda “Rusiya-Azərbaycan: dünən, bugün, sabah. Diaspora iki ölkə arasında münasibətlərin möhkəmləndirilməsində amil kimi” mövzusunda dəyirmi masa keçirilib.

 

 

 

 

Dəyirmi masada müxtəlif mövzular üzrə məruzələr dinlənilib. Müzakirələrdə çıxış edən yerli dövlət qurumlarının təmsilçiləri, millət vəkilləri, insan hüquqları üzrə müvəkkil, elm, mədəniyyət və ictimai xadimlər bildiriblər ki, 157 millətin nümayəndələrinin mehribanlıqla yaşadığı Samara vilayətində azərbaycanlılar regionun həyatında fəal iştirak edir, onun mədəni ənənələrini zənginləşdirirlər. Liqanın nəzdindəki “Xəyal” və “Alpan” yaradıcılıq kollektivlərinin şəhərin və vilayətin mədəni həyatında mütəmadi iştirakı buna bariz nümunə göstərilib.

 

 

 

Sonra şəhərin Mərkəzi Jurnalist Evində görkəmli dövlət xadimi Heydər Əliyevin həyat və fəaliyyətindən bəhs edən “Heydər Əliyev: Qəlbimin bir hissəsi Rusiyadadır” sənədli filminin təqdimat mərasimi keçirilib. Ekran əsərinin təqdimat mərasimi “Samara vilayəti Azərbaycanlıları Liqası” və Samara vilayəti Jurnalistlər Birliyinin birgə təşkilatçılığı ilə getçəkləşdirilib.

 

 

 

 

“Ulduz” mədəniyyət sarayında baş tutan qala-konsertdə isə Samara vilayəti hökumətinin, şəhər administrasiyasının, İctimai Palatanın, Azərbaycan Respublikası Diasporla İş üzrə Dövlət Komitəsinin, Privolsk, Dağıstan və Moskvada fəaliyyət göstərən azərbaycanlıların milli-mədəni muxtariyyətlərinin, yerli ictimaiyyətin, müxtəlif icmaların nümayəndələri və liqa üzvləri iştirak ediblər.

Samara vilayəti qubernatorunun birinci vitse-prezidenti – hökumətin sədri vəzifəsini müvəqqəti icra edən Natalya Katina qubernator Dmitri Azarovun tədbir iştirakçılarına ünvanladığı müraciəti oxuyub. Müraciətdə öz tarixi vətənlərinə bağlı olan və əcdadlarının mənəvi ənənələrinə söykənən azərbaycanlıların bölgənin inkişafına töhfələri yüksək qiymətləndirilib.

 

 

 

Samara şəhər dairəsinin başçısı Yelena Lapuşkina millətlətarası dostluq əlaqələrinin möhkəmləndirilməsinə töhfələr verdiyinə görə “Samara vilayəti Azərbaycanlılar Liqası” ictimai təşkilatının sədri Şirvan Kərimova minnətdarlığını bildirib, təşkilatın üzvlərini təşəkkürnamələrlə təltif edib.

Qala-konsertdə Azərbaycanın əməkdar artisti, virtuoz skripka ifaçısı Ceyhun İsmayılov, azərbaycanlı musiqiçilər İntiqam Oktaylı (tar) və Elşən Masurovun (kamança) müşayiəti ilə Azərbaycanın xalq artisti Nəzakət Teymurova, Samara vilayətinin əməkdar artisti, dirijor Mark Koqanın idarə etdiyi Samara şəhər dairəsi nəfəsli alətlər orkestrinin müşayiəti ilə Rusiyanın xalq artisti Mark Levyant, Ümumrusiya və beynəlxalq müsabiqələr laureatı Vadim Zubkov, “Xəyal” və “Alpan” rəqs kollektivləri çıxış ediblər. Azərbaycan və Rusiya musiqi incilərindən ibarət konsert proqramı alqışlarla qarşılanıb.

 

 

 

“Azərbaycan Mədəniyyəti Günləri” tədbirinin fəxri qonaqları – Diasporla İş üzrə Dövlət Komitəsi sədrinin müavini V.Seyidbəyov və müxtəlif vilayətlərdən gəlmiş Azərbaycan diaspor təşkilatlarının rəhbərləri Samara şəhərindəki Dostluq parkını və Xalqlar Dostluğu Evini ziyarət ediblər.

 

 

 

 

Dostluq parkında yerləşən Azərbaycan Evinin ziyarəti zamanı Azərbaycanın xalq artisti Nəzakət Teymurovanın xalq artisti Elşən Mansurov (kamança), əməkdar artist Ceyhun İsmayılov (skripka) və İntiqam Oqtaylının (tar) müşayiəti ilə “Qarabağ” mahnısını ifa etməsi soydaşlarımıza xoş anlar yaşadıb.

Qonaqları duz-çörəklə qarşılayan Xalqlar Dostluğu Evinin direktoru İqor Burov dahi şəxsiyyət Heydər Əliyevin həyat və fəaliyyətinə həsr olunmuş foto-sərgi haqqında məlumat verib. O, xalqımızın mədəniyyətini, dilini və hüquqlarını layiqincə qoruyan “Samara vilayəti Azərbaycanlıları Liqası”nın 20 illik fəaliyyətini də yüksək qiymətləndirib.

 

 

 

 

Komitə sədrinin müavini Azərbaycan dövlətinin diaspor siyasəti, Prezident İlham Əliyevin xaricdə yaşayan soydaşlarımıza göstərdiyi xüsusi diqqət və qayğı barədə ətraflı danışıb. Azərbaycan diasporuna yaradılmış şəraitə görə Samara vilayətinin və Xalqlar Dostluğu Evinin rəhbərliyinə minnərdarlığını bildirib.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/samara-seherinde-heyder-eliyevin-100-illiyi-tentene-ile-qeyd-edilib-3982

 

 

 

 

]]> Ottava şəhərində Dünya Azərbaycanlılarının Həmrəylik Günü qeyd olunub https://tarimveormangazetesi.com/ottava-s%c9%99h%c9%99rind%c9%99-dunya-az%c9%99rbaycanlilarinin-h%c9%99mr%c9%99ylik-gunu-qeyd-olunub-h52622.html Wed, 20 Dec 2023 18:20:19 +0000 https://1453kralmedya.com/ottava-s%c9%99h%c9%99rind%c9%99-dunya-az%c9%99rbaycanlilarinin-h%c9%99mr%c9%99ylik-gunu-qeyd-olunub-h52622.html

 

 

Ottava şəhərində Dünya Azərbaycanlılarının Həmrəylik Günü qeyd olunub
20 dekabr, 2023

 

 

Ottava şəhərində Dünya Azərbaycanlılarının Həmrəylik Günü qeyd olunub
Kanadanın Ottava şəhərində fəaliyyət göstərən “Qarabağ” Azərbaycan dili məktəbində Dünya Azərbaycanlılarının Həmrəylik Günü və Yeni il münasibətilə bayram tədbiri keçirilib.

 

 

 

“Qarabağ” Azərbaycan dili məktəbi və Kanada Azərbaycanlı Tələbələr Assosiasiyasının birgə təşkilatçılığl ilə baş tutan tədbirdə Azərbaycan icmasının nümayəndələri, “Qarabağ” Azərbaycan dili məktəbinin şagirdləri və məzunları iştirak ediblər.

 

 

 

 

Məktəbin baş təlimatçısı və müəllimi Vüsalə Əhmədova bayramlar münasibətilə soydaşlarımızı və şagirdləri təbrik edib, Həmrəylik Gününün tarixindən və əhəmiyyətindən danışıb.

Tədbir zamanı məktəb şagirdlərinin ifasında Azərbaycana həsr olunmuş şeir və mahnılar səsləndirilib və bayram tortu kəsilib.

 

 

 

Qeyd edək ki, Ottava şəhərində “Qarabağ” Azərbaycan dili məktəbi 2011-ci ilin sentyabr ayından fəaliyyətə başlayıb. Məktəbdə hər həftənin bazar günləri 2 saat yarım müddətində 4-14 yaş arası uşaqlara Azərbaycan dili, tarixi, musiqi və rəqs dərsləri tədris edilir, milli adət-ənənələrimiz öyrədilir.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/ottava-seherinde-dunya-azerbaycanlilarinin-hemreylik-gunu-qeyd-olunub-3984

 

]]> Krakov şəhərində “Azərbaycan Gecəsi” keçirilib https://tarimveormangazetesi.com/krakov-s%c9%99h%c9%99rind%c9%99-az%c9%99rbaycan-gec%c9%99si-kecirilib-h52513.html Sun, 17 Dec 2023 07:16:24 +0000 https://1453kralmedya.com/krakov-s%c9%99h%c9%99rind%c9%99-az%c9%99rbaycan-gec%c9%99si-kecirilib-h52513.html

 

 

 

 

Krakov şəhərində “Azərbaycan Gecəsi” keçirilib

, 2023

 

 

 

Krakov şəhərində “Azərbaycan Gecəsi” keçirilib

 

 

 

 

Polşanın Krakov şəhərində təşkil edilmiş “Azərbaycan Gecəsi” layihəsi gənc soydaşlarımızı bir araya gətirib.

 

 

 

Polşa Azərbaycanlıları Şurasının təşkilatçılığı ilə baş tutan tədbirdə Varşava Azərbaycan Evinin nümayəndələri, Polşa Azərbaycanlıları Koordinasiya Şurasının koordinatorları və Krakovda yaşayan gənclərimiz iştirak ediblər.

 

 

 

Tədbir iştirakçılarını salamlayan Polşa Azərbaycanlıları Şurası İdarə Heyətinin üzvü Şamo Qubadov bildirib ki, bir müddət öncə start verilmiş “Azərbaycan Gecəsi” layihəsinin növbəti ünvanı kimi Krakov şəhəri seçilib: “Bu layihənin Polşanın müxtəlif şəhərlərində keçirilməsi nəzərdə tutulub. İstəyimiz odur ki, bir arada olaq, bir-birimizlə daha da yaxından tanış olaq və şəbəkələşək. Ümid edirəm ki, “Azərbaycan Gecəsi” çox maraqlı, əyləncəli, yaddaqalan olacaq. Canlı musiqi ifaları hər birinizdə xoş təəssürat yaradacaq”.

 

 

 

 

Tədbir Varşava Azərbaycan Evnin nəzdindəki Mədəniyyət Mərkəzinin rəhbəri Fərid Abdullayevin gitarada ifasında musiqi əsərlərinin səsləndirilməsi ilə davam edib.

Səmimi şəraitdə keçən tədbir zamanı ölkəmizlə, Polşada Azərbaycan diasporunun gücləndirilməsi ilə bağlı fikir mübadiləsi aparılıb, gənclər birlikdə milli rəqslərimizi oynayıblar, müxtəlif dillərdə mahnılar dinləyiblər.

Tədbirin sonunda Polşa Azərbaycanlıları Şurası adından qonaqlara milli suvenirlər hədiyyə edilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/krakov-seherinde-azerbaycan-gecesi-kecirilib-3960

 

 

 

]]> Bişkek şəhərində Azərbaycan icması ilə görüş keçirilib https://tarimveormangazetesi.com/biskek-s%c9%99h%c9%99rind%c9%99-az%c9%99rbaycan-icmasi-il%c9%99-gorus-kecirilib-h51864.html Sun, 26 Nov 2023 16:45:19 +0000 https://1453kralmedya.com/biskek-s%c9%99h%c9%99rind%c9%99-az%c9%99rbaycan-icmasi-il%c9%99-gorus-kecirilib-h51864.html

 

 

 

Bişkek şəhərində Azərbaycan icması ilə görüş keçirilib

, 2023

Bişkek şəhərində Azərbaycan icması ilə görüş keçirilib

 

 

 

“Heydər Əliyev İli” çərçivəsində Qırğız Respublikasında keçirilməsi planlaşdırılan tədbirlər planına uyğun olaraq Diasporla İş üzrə Dövlət Komitəsinin sədri Fuad Muradovun bu ölkədə yaşayan Azərbaycan icması ilə görüşü keçirilib.

 

 

 

Bişkek şəhərində baş tutan görüşdə Qırğızıstanın müxtəlif şəhərlərində yaşayan Azərbaycan icmasının üzvləri iştirak ediblər.

Azərbaycanın Dövlət Himninin səsləndirilməsi ilə başlayan tədbirdə müasir Azərbaycan dövlətinin qurucusu Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Tədbir ümummilli lider Heydər Əliyevin anadan olmasının 100 illiyinə həsr olunmuş filmin nümayişi ilə davam edib.

 

 

 

Görüş iştirakçılarını salamlayan Komitə sədri dövlət qurumunun çoxşaxəli fəaliyyət istiqamətləri və həyata keçirilən sistemli layihələr barədə geniş hesabatla çıxış edib. Prezident İlham Əliyevin azərbaycançılıq ideologiyasına xas cəhətlərin, milli kimliyin qorunması barədə Dünya Azərbaycanlılarının V Qurultayında xaricdə yaşayan soydaşlarımıza tövsiyələrini xatırladan Komitə sədri Qırğızıstandakı diasporumuzun bu tövsiyələrə uyğun şəkildə apardığı fəaliyyəti yüksək qiymətləndirib. Soydaşlarımızı dilimizin, mədəniyyət və incəsənətimizin təbliği istiqamətində daha da fəal olmağa dəvət edib, gənclərin diaspor fəaliyyətinə cəlb olunmasının önəmini vurğulayıb.

Tədbirdə Qırğızıstan-Azərbaycan Dostluq və Əməkdaşlıq Cəmiyyətinin sədri Akif Alaferdov, “İrs” İctimai Birliyinin sədri Xansıvar Baxşəliyev və başqaları çıxış ediblər. Onlar qalib xalqın diasporu olmaqdan qürur duyduqlarını bildirib, milyonlarla soydaşımızı birləşdirən, işi nəzərəçarpacaq dərəcədə intensivləşən Komitə ilə Qırğızıstandakı diasporumuzun sıx əməkdaşlığı yüksək qiymətləndiriblər.

Qırğızıstandakı diaspor fəalı Əsəd Həsənovun təltif olunduğu “Diaspor fəaliyyətində xidmətə görə” Azərbaycan Respublikasının medalı ölümündən sonra onun qardaşı oğlu Ələsgər Səfərova təqdim edilib.

Geniş fikir mübadiləsinin aparıldığı tədbir sualların cavablandırılması ilə yekunlaşıb.

 

 

 

Sonra Komitə sədri Bişkek yaxınlığında yerləşən Çuy vilayətinin Sokuluk rayonunun Pervomaysk kəndində yaşayan azərbaycanlı Ələsgər Səfərovun ailəsinin qonağı olub. Komitə sədrinə bildirilib ki, hazırda bu kənddə 26 azərbaycanlı ailəsi yaşayır. Onların əcdadları 1930-cu illərin amansız repressiya illərində Azərbaycanın müxtəlif bölgələrindən Qırğızıstana sürgün olunublar. Qırğızıstanın 90 il ərzində azərbaycanlıların beş nəslinin vətəninə çevrildiyi, “Repressiyaya məruz qalanlara kompensasiya haqqında” qanunu qəbul edən ilk ölkələrdən olduğu, 1933-cü ildə repressiyaya məruz qalan azərbaycanlıların 1956-cı ilə qədər doğulmuş bir çox nəslinin təzminat aldığı bildirilib.

Görüş zamanı soydaşlarımızın milli köklərinə bağlı olduqları, tarixi vətənlərini çox sevdikləri, Azərbaycanın Qarabağdakı Zəfərinə çox sevindikləri vurğulanıb.

 

 

 

Görüşdə Qırğızıstan-Azərbaycan Dostluq və Əməkdaşlıq Cəmiyyətinin sədri Akif Alaferdov da iştirak edib.

Qeyd edək ki, Sokuluk rayonu 5 fevral 1935-ci ildə “Kaqanoviçsk rayonu kimi yaradılıb, 6 iyul 1957-ci ildən etibarən Sokuluk adlandırılıb. Qırğızıstanda 2009-cu ilə olan əhalinin siyahıya alınmasına görə, burada azərbaycanlıların sayı 2299 nəfər təşkil edib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/biskek-seherinde-azerbaycan-icmasi-ile-gorus-kecirilib-3847

 

 

 

 

]]>