ABŞ-ın Dallas şəhərində mina təhlükəsi ilə bağlı Azərbaycana dəstək kampaniyası keçiriləcək

, 2023

ABŞ-ın Dallas şəhərində mina təhlükəsi ilə bağlı Azərbaycana dəstək kampaniyası keçiriləcək

ABŞ-ın Dallas şəhərində Azərbaycandakı mina problemi ilə əlaqədar “Texaslılar minasız dünya üçün – Azərbaycan” adlı layihəyə start verilib.

Azərbaycan-Amerika Musiqi Fondunun rəhbəri, tanınmış musiqiçi Cəmilə Cavadova-Şpitsberqin təşəbbüsü ilə həyata keçirilən layihədə əsas məqsəd beynəlxalq ictimaiyyətin diqqətini Azərbaycanın işğaldan azad edilmiş rayonlarındakı mina probleminə cəlb etmək və minaaxtaran itlərin alınaraq ölkəmizə göndərilməsi ilə torpaqlarımızın minadan təmizləmə prosesinə kömək etməkdir.

Amerika Azərbaycan Koordinasiya Şurasının (AAKŞ) üzvü olan təşkilatın çağırışına digər Şura üzvləri və ABŞ-da fəaliyyət göstərən təşkilatlar da qoşulur.

Azərbaycan-Amerika Musiqi Fondunun rəhbəri adından Texasdakı bütün icmalara ünvanlanan müraciətdə bildirilib ki, Azərbaycan əsilli amerikalıların tarixi vətəni olan Azərbaycan Respublikası 30 illik işğal müddətində çətin sınaqlardan keçib və indiyədək həmin dövrün ağır yükünü daşımaqdadır.

Qeyd edilib ki, bu çətinliklərdən biri Ermənistan silahlı qüvvələrinin Azərbaycan ərazilərində kütləvi şəkildə basdırdığı mina təhlükəsi ilə bağlıdır. Bu minaların Azərbaycanın ətraf mühitini çirkləndirdiyi və öz doğma yurduna qayıtmaq istəyən dinc azərbaycanlıların həyatını ölümlə təhdid etdiyi diqqətə çatdırılıb.

“Marshal Legacy Instute” (MLI) qeyri-kommersiya təşkilatının mina axtaran itlər proqramını (The Mine Detec.on Dog Partnership Program) xatırladan Fond rəhbəri nəzərə çatdırıb ki, xüsusi təlim görmüş bu itlərin alınması və Azərbaycana göndərilməsi məqsədilə tələb olunan vəsaitin toplanması üçün 29 sentyabr 2023-cü ildə Dallasda mədəni tədbir keçiriləcək. Müxtəlif icmaların rəhbərlərinin və rəsmi şəxslərin dəvət olunduğu tədbirdən əldə olunacaq bütün vəsait MLI-nin hesabına köçürüləcək.

Fond rəhbəri amerikalıları vəziyyəti yaxşılığa doğru dəyişmək naminə bu kampaniyaya qoşulmağa çağırıb.

Qeyd edək ki, bu xeyirxah aksiyada hər kəs iştirak edərək, minaaxtaran itlərin alınmasına kömək edə bilər. Vəsaitin toplanmasına dəstək məqsədilə əlavə edilmiş link və ya QR-koddan asanlıqla istifadə edilə bilər.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/abs-in-dallas-seherinde-mina-tehlukesi-ile-bagli-azerbaycana-destek-kampaniyasi-kecirilecek-3460

“Mines Action Canada” təşkilatı Fransa-Azərbaycan Dialoqu Assosiasiyanın mina təhlükəsi ilə bağlı müraciətini cavablandırıb

, 2023

“Mines Action Canada” təşkilatı Fransa-Azərbaycan Dialoqu Assosiasiyanın mina təhlükəsi ilə bağlı müraciətini cavablandırıb

Fransa-Azərbaycan Dialoqu Assosiasiyasının ölkəmizin azad olunmuş ərazilərində Ermənistan tərəfindən yaradılmış mina təhlükəsi barədə müraciətini Kanadanın “Mines Action Canada” (MAC) aparıcı şirkətinin icraçı direktoru Erin Hant cavablandırıb.

Azərbaycanda mina təhlükəsi ilə bağlı mövcud durum barədə məlumat verdiyi və bu məsələ ilə bağlı fikrini bölüşdüyü üçün Fransa-Azərbaycan Dialoqu Assosiasiyasına minnətdarlığını bildirən Erin Hant bildirib ki, Kanada hökumətinin dəstəyi ilə MAC artıq bir neçə ildir Cənubi Qafqazda minaların təmizlənməsi prosesini müdafiə edir. Bu müdafiənin 2021-ci ildə uğurlu olduğunu vurğulayan icraçı direktor bildirib ki, tezliklə bu fəaliyyətin yenidən uğurlu olacağına ümid edir. O, əlavə edib ki, şirkətləri Azərbaycan Respublikasının Minatəmizləmə Agentliyində (ANAMA) çalışan azərbaycanlı həmkarları ilə sıx işləyir.

Erin Hant xatırladıb ki, bu ilin may ayında MAC adından Bakıya səfər edib və II Beynəlxalq humanitar mina fəaliyyəti konfransına qatılıb. Bu konfransın Bakı və Ağdamda keçirildiyini vurğulayan kanadalı mütəxəssis bildirib ki, minaların Azərbaycanda icmalara təsirini görə biliblər. Onun sözlərinə görə, Azərbaycanda mina təhlükəsi ilə bağlı öyrəndiklərini Kanada hökumətinin və parlamentinin rəsmiləri ilə bölüşüb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/mines-action-canada-teskilati-fransa-azerbaycan-dialoqu-assosiasiyanin-mina-tehlukesi-ile-bagli-muracietini-cavablandirib-3273

təhlükəsi – Tarım ve Orman Gazetesi

ABŞ-ın Dallas şəhərində mina təhlükəsi ilə bağlı Azərbaycana dəstək kampaniyası keçiriləcək

“Mines Action Canada” təşkilatı Fransa-Azərbaycan Dialoqu Assosiasiyanın mina təhlükəsi ilə bağlı müraciətini cavablandırıb