Yaponiyadakı diaspor təşkilatının rəhbəri bu ölkənin nüfuzlu mükafatına layiq görülüb
15 yanvar, 2024

Yaponiyadakı diaspor təşkilatının rəhbəri bu ölkənin nüfuzlu mükafatına layiq görülüb
Tokioda fəaliyyət göstərən Yaponiya-Azərbaycan Dostluq Mərkəzinin sədri, elektronika sahəsində tanınmış alim-tədqiqatçı Xəlil Kələntər 30-cu “International Display Workshops-2023” (IDW) seminarının nüfuzlu KUM mükafatına layiq görülüb.

Yaponiyanın Niiqata şəhərində keçirilən mükafatlandırma mərasimində üç alimə KUM mükafatı təqdim edilib. Xəlil Kələntər bu mükafata layiq görülən əcnəbi alim-tədqiqatçıların ilk nümayəndəsidir.

Xəlil Kələntər bildirib ki, displey sənayesinin üç korifeyi – Kobayashi, Uchiike və Mikoshibanın adını daşıyan KUM mükafatı bu sahədə əhəmiyyətli layihələr irəli sürən, elm və texnologiyanın sərhədlərini inkişaf etdirən tədqiqatçı-alimlərə təqdim edilir. KUM mükafatının təqdimat mərasimi IDW-nin (Displey üzrə Beynəlxalq Seminarlar) yarandığı gündən əməkdaşlıq və innovasiyaları təşviq edən qlobal displey ictimaiyyəti üçün mühüm hadisə hesab olunur.

Qeyd edək ki, 1993-cü ildə yaradılmış IDW displey sənayesində əməkdaşlığı, bu sahədə əldə edilən uğurların mübadiləsini və innovasiyanı inkişaf etdirmək məqsədi daşıyır və son illər təsirli platformaya çevrilib. İlk IDW tədbiri Yaponiyanın Hamamatsu şəhərində baş tutub. Ötən illər ərzində həmin seminarlar Kioto, Naqoya, Fukuoka, Sapporo kimi şəhərlərdə keçirilib.

1981-ci ildən Yaponiyada yaşayan Xəlil Kələntər Naqoya və Tohoku universitetlərində çalışıb, doktorluq dərəcəsi alıb. Dünyada ilk dəfə işıqla yönləndirilən mikro-reflektorlu və mikro-deflektorlu optik lövhələr yaradıb. Əsərləri ingilis, yapon, Çin və Koreya dillərində dərc olunub, çoxsaylı patent və ixtiraların müəllifidir. Təkcə Yaponiyada deyil, Amerika, Asiya və Avropada elektronika, yeni nəsil displey ekranlar sahəsində böyük mütəxəssis kimi tanınan alimə beynəlxalq konfranslarda Yaponiyanı təmsil etmək hüququ verilib.

Xəlil Kələntərin rəhbərlik etdiyi diaspor təşkilatı Azərbaycan həqiqətlərinin yapon ictimaiyyətinə çatdırılmasında, Azərbaycan mədəniyyətinin təbliğ olunmasında böyük rol oynayır.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/yaponiyadaki-diaspor-teskilatinin-rehberi-bu-olkenin-nufuzlu-mukafatina-layiq-gorulub-4070

Yaponiyadakı diasporumuz Bakı və Tokio məktəbləri arasında əməkdaşlıq qurulmasına vasitəçilik edəcək
, 2023
Yaponiyadakı diasporumuz Bakı və Tokio məktəbləri arasında əməkdaşlıq qurulmasına vasitəçilik edəcək
Yaponiyadakı Azərbaycan diasporunun vasitəçiliyi ilə Bakıdakı Avropa Liseyi Tokio məktəbləri ilə əməkdaşlıq edəcək.

Azərbaycan-Yaponiya Dostluq Mərkəzinin icraçı direktoru Vüqar Ağayev bildirib ki, bu barədə razılıq Avropa liseyinin direktoru Zülfiyyə Veysova ilə görüş zamanı əldə olunub.

Görüş zamanı qonağa liseyin fəaliyyəti barədə ətraflı məlumat verilib, şagirdlərin dünya uşaqlarını bir araya gətirən, inkişafına müsbət təsir göstərən müxtəlif layihələrdə fəal şəkildə iştirakına, Yaponiya məktəbliləri ilə əməkdaşlıq əlaqələrinin qurulması istiqamətində də müəyyən işlər görüldüyünə diqqət cəlb edilib.

Diaspor təşkilatının nümayəndəsi liseylə Tokio məktəbləri arasında dostluq əlaqələrinin qurulmasının hər iki tərəf üçün faydalı olacağını, bu təşəbbüsün xalqlarımız arasında dostluq əlaqələrinin inkişafına mühüm təsir göstərəcəyini nəzərə çatdırıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/yaponiyadaki-diasporumuz-baki-ve-tokio-mektebleri-arasinda-emekdasliq-qurulmasina-vasitecilik-edecek-2427

Yaponiyadakı – Tarım ve Orman Gazetesi

Yaponiyadakı diaspor təşkilatının rəhbəri bu ölkənin nüfuzlu mükafatına layiq görülüb

Yaponiyadakı diasporumuz Bakı və Tokio məktəbləri arasında əməkdaşlıq qurulmasına vasitəçilik edəcək